Personkoartta vuolleahkásažžii
Unnage mánná dárbbaša mátkkis iežas mátkkoštanáššegirjji. Vuolleahkásaš máná ohcamuša sáhttá deavdit neahtas seammá vugiin go olles olmmošge, muhto mánná galgá dávjjimus dáhpáhusain fitnat bolesstašuvnnas dovdámis.
Galledeapmi dárbbašuvvo, jus ohcci ovddit pássa dahje personkoarta mieđihuvvui, go son lei vuollel 12-jahkásaš. Ná lea dallege, ahte ohcci lea ain vuollel 12-jahkásaš. Máná dovdán váldo eandalii fuolalaččat, go ámadaju iešvuođat rivdet jođánit vuolleahkásaččas.
2.8.2021 dahje dan maŋŋá mieđihuvvon mátkkoštanvuoigatvuođahis personkoartta čiekka sisttisdoallá hálddašeaddjis biometralaš dovddaldahkan suorbmaluottaid ja ámadadjogova. Vuollel 12-jahkásaččas eai goittotge váldo suorbmaluottat, dalle čiekka biometralaš dovddaldahkan lea dušše hálddašeaddji ámadadjogovva.
Earánastin bolesstašuvnnas
Ohcci álo mielde: Bolesstašuvnnas earánasttedettiin vuolleahkásaš ohcci galgá leat persovnnalaččat báikki alde, vaikke son livčče easkka njuoratmánná.
Fuolaheaddji mielde: Jus ohcci lea vuollel 15-jahkásaš, ainjuo okta fuolaheaddji galgá leat mielde. 15 jagi deavdán vuolleahkásaš sáhttá earánastit bolesstašuvnnas almmá fuolaheaddjiid, jus sus lea fuolaheaddjiid girjjálaš miehtan ja su personvuođa sáhttá sihkkarastit.
Máná personvuođa duođašteapmi: Máná personvuohta duođaštuvvo vuolggasajis pássain dahje personkoarttain. Jus dat eai leat, su figgat dovdát eará vugiiguin. Dárbbašettiin vuolleahkásačča sáhttá dovdát fuolaheaddji dovdáma bokte.
Fuolaheaddjiid miehtamat
Vuolleahkásačča ohcamuššii dárbbašuvvo buohkaid fuolaheaddjiid miehtan.
Neahtas dahkkon ohcamuš: Fuolaheaddjit sáhttet addit miehtamis neahtas dahje doaimmahit daid báhpáriin bolesstašuvdnii. Ohcamuša dahkan fuolaheaddji addá miehtamis njuolga ohcamuššii. Eará fuolaheaddjit sáhtte vástidit miehtanbivdagiid go čálihit sisa bolesa neahttabálvalussii. Miehtama sáhttá maiddái fitnat addimin bolesstašuvnnas persovnnalaččat.
Bolesstašuvnnas dahkkon ohcamuš: Jus ohcamuša dahká lohpediskkas, mielde lean fuolaheaddjit sáhttet addit miehtamis njálmmálaččat. Dat fuolaheaddjit, geat eai leat mielde, doaimmahit miehtamis girjjálaččat.
Luđe miehtanskovi vuođu: Miehtanskovvi (suomagillii).
Jus miehtan ii addojuvvo: Personkoartta sáhttá mieđihit almmá nuppi fuolaheaddji miehtama dušše earenoamáš siva geažil, jus muhtun fuolaheaddjis ii mátkki, buohcuvuođa dahje eará dávisteaddji siva geažil leat vejolaš oažžut miehtama.
Vuolleahkásažžii sáhttá almmá fuolaheaddjiid miehta dušše vuolleahkásačča personkoarta almmá mátkkoštanvuoigatvuođa.
