Rihkusalmmuhus lea vuolggasadji rihkkosa dutkamii
Sáhtát dahkat almmuhusa rihkkosa birra bolesa neahttačujuhusas (maiddái "Earánastte neahtas " boallu) dahje galledettiin bolesstašuvnnas go lea rabasáigi rihkusalmmuhusaid vuostáiváldimis.
Fuomáš! Rihkusalmmuhusskovit maid sáhttá čálihit eai šat gávdno Poliisi.fi siidduin.
Hoahpohis dáhpáhusain rávve boles vuosttažettiin sáddet almmuhusa elektrovnnalaččat jus almmuhusa dahkkis lea vejolašvuohta dasa. Boles dárbbaša nu aiddolaš čilgehusa go vejolaš vai sáhttet álggahit ovdadutkama mii lea dáhpáhuvvan ja geasa ášši guoská.
Boles galgá bastit sihkkarastit almmuheaddji identitehta ja elektrovnnalaš áššiiddikšumis dat dáhpáhuvvá ovdamearkan báŋkodovddaldagaiguin ja dalle áššehas bastá earánastit bálvalusas diehtodorvvolaččat. Elektrovnnalaš earánastimis leat rávvagat mo dahkat gokčevaš rihkusalmmuhusa
Riŋges 112 go dus lea heahtedilli dahje dárbbašat fáhkka virgeolmmošveahki báikái, dahje go dieđát dahje eahpidat ahte heagga, dearvvašvuohta, opmodat dahje biras lea áitojuvvon dahje vára vuolde.
Boles ii váldde vuostá rihkusalmmuhusaid birra jándora. Almmuhusat dahkkojit ihkku go lea hohpolaš ášši, ja dalle dárbbašuvvo boles báikki alde. Elektrovnnalaš rihkusalmmuhus ii leat anus diibmu 22.45-06.00 gaskasaš áiggi.
Jus eahpidat ahte vearredahkkit leat váldán du neahttabáŋkodovddaldagaid háldui, de lea dehálaš ahte don dakkaviđe válddát oktavuođa iežat báŋkui. Daga rihkusalmmuhusa bolesii easka dán maŋŋá.
Fáhtet bolesa telefovnnain juohke bolesstašuvdnii sierra meroštallojuvvon rabasáiggis. Telefovnnat stivrejuvvojit bálvalusgohcimii, gos bálvalit áššehasaid maiddái báikki alde. Telefonbálvalusas sáhttet leat ádjáneamit, ja telefovnna bokte eai sáhte váldit vuostá almmuhemiid seamma viidát.
Vearredagu vuollái gártan olmmoš sáhttá váldit fárrui dárbbu mielde doarjjaolbmo. Nuvttá barggu várás skuvlejuvvon doarjjaolbmuid sáhttá jearrat earret eará Rihkusoaffargohcimis.
