Diehtu Poliisi.fi siidduin ja geavahaneavttut

Poliisi.fi neahttabálvalus fállá dieđu bolesa doaimmas ja veahkeha dikšut áššiid neahtas. Siiddu ollislašvuođas vástida Boleshálddahus. 

Mii almmustahttit sisdoalu suomagillii, ruoŧagillii, eaŋgalasgillii ja sámegillii. 

Go geavahat siidduideamet, siidduid geavahussii laktásit čuovvovaš doaimmat.

Bálvalusat

• Ovdasiidu – Ovdasiiddus leat bolesa ođđasat ođasbajidemiin ja dieđáhusaid hámis. Ovdasiiddus leat maiddái bajidemiid bolesa guovddáš temáide, doaimmaide ja bálvalusaide.
• Ohcu – Siiddu siskkáldas ohcanmohtor veahkeha gávdnat vástádusaid. Siiddu ohcu lea badjedovddaldagas. Navdinárvvu mielde ohcu čuohcá siiddu olles sisdollui.
• Kárta – Bolesstašuvnnaid siidduin leat govat kárttas. Go deaddila kártta, sirdašuvvá dat Google kártii ja dan geavahaneavttuid ollái. 
• Mediabálvalus – Media ovddasteaddjit sáhttet diŋgot Poliisi-fi -dieđáhusaid maid háliidit.
• Neahttageažideapmi – Neahttageažideami bokte sáhtát guođđit bolesii dieđu eahpidahtti materiálas dahje sisdoalus man áiccat interneahtas. Go dárbbašat bolesa hohpolaš veahki, riŋge heahtenummirii 112. Neahttageažideami bokte sáddejuvvon dieđut dahkkojuvvojit suollemassan.
• Máhcahat – Máhcahatskoviin sáhtát sáddet bolesii gažaldagaid ja máhcahaga. Mii gieđahallat máhcahagaid virgeáigge. Mii vástidit guovtti vahku siste, jos deavddát oktavuođadieđuid. Ithan sádde luhtolaš dieđuid máhcahatskoviin.
• Máhcahat siidduid sisdoalus– Atte sisdoallomáhcahaga njuolga siiddu vuolleravddas boalus. Go válljet Bálvaliigo sisdoallu du -gažaldaga vástádusboalu, rahpasa sadji, mainna attát evttohusa, mo siiddu galggašii buoridit. Ále vurke sajiide persovdnadieđuid.
• RSS-bálvalusat – Poliisi.fi neahttabálvalus fállá ođđasiid maiddái RSS-fáluhussan. Geahča poliisi.fi/rss siiddus (boahtimin).
• Šleađggalaš áššiid dikšun – Sáhtát várret áiggi bolesa lohpebálvalusaide ja dikšut áššiid bolesa neahttabálvalusas, main oassi gáibida šleađggalaš identifiserema. Loga rávvagiid ovdal áššiid dikšuma Poliisi.fi siidduin. Áššiid dikšun dáhpáhuvvá eará vuolážis.
• Sosiála media – Siidduide leat ásahuvvon oidnosat min iežas somekanálaide. Siidu ii sádde galledeaddjidieđuid sosiála media viiddidemiid bokte. Oahpásmuva bolesa virggálaš sosiála media konttuide ja kanálaide.
• Diŋgonbálvalus – Buohkat sáhttet diŋgot bolesa dieđáhusaid šleađgapostii.
• Virggálaš áššit – Jos háliidat bidjat johtui virggálaš ášši, sádde poastta registrerenkantuvrii boleslágádussii dahje bolesa eará ovttadahkii, oktavuođadieđuid gávnnat ovttadagaid siidduin. Jos it dieđe rivttes oassebeali, Boleshálddahusa registrerenkantuvra (kirjaamo.poliisihallitus@poliisi.fi) gaskkusta dieđu rivttes ovttadahkii. Garvve luhtolaš dieđuid sáddema šleađgapoasttain. Boleshálddahus sádde ja vuostáiváldá luhtolaš dieđu sisttisdoalli dieđáhusaid Bolesa dorvopoastta bokte.

Neahttaloganat ja terminálat

Siidu lea responsiiva, ja sisdoallu skáláduvvá terminála mielde. Siiddut leat olggosoaidnit buoremusat, jos geavahat ođđasamos bláđánveršuvnnaid.

Jos siiddut eai oidno bures du apparáhtas, atte máhcahaga máhcahatskovi bokte (suomagillii) ja muital makkár lea du apparáhta, geavahanvuogádat ja bláđánprográmma man geavahit, de beassat čielggadit váttisvuođa.

Fiilaluđemat ja lohkkiheivehusat

Pdf-fiillaid lohkamii dárbbaša Adobe Acrobat Reader -prográmma (suomagillii), man sáhttá luđet nuvttá neahtas. Siidui leat vuojuhuvvon maiddái neahttasáddagat ja videobáttit. Dat rahpasit neahttarávdnjemin sierra bláđánis dan hámis man du terminála doarju.

Neahttabálvalus fállá ođasmateriálaid RSS-fáluhussan.

Olahahttivuohta

Boles lea ođasmahttán neahttasiidduid, vai siiddut bálvalit buohkaid. Siiddu teknihkalaš iešvuođat figget deavdit olahahttivuođagáibádusaid. 

Atte olahahttivuođamáhcahaga šleađgapoasttain saavutettavuuspalaute@poliisi.fi.

Oahpásmuva Poliisi.fi siiddu olahahttivuođačilgehussii.

Siiddu diehtosuodji ja geavahaneavttut

Vulobealde muitalit, makkáraš geavahaneavttut min siidduin leat. Boles lea čatnasan suddjet geavaheaddjiid intimitehta ja persovdnadieđuid EU diehtosuodjeásahusa mielde.

Geavahaneavttut ja diehtočoahkuid geavaheapmi

Geavahat min siidduin diehtočoahkuid dahje cookiesiid geavahanvásihusa buorideapmin. 
Diehtočoahkku lea smávva teakstafiila, mii vurkejuvvo gaskaboddasaččat geavaheaddji apparáhtii. Diehtočoahkuin hálddašit neahttalogana galledeaddjidieđuid siiddus, eaige dat čoakke dahje vurke persovdnadieđuid. Goalmmát oassebeali searvvušoasit, mat siiddus leat geavahusas, sáhttet ásahit diehtočoahkuid iežas bálvalusain sin vugiid mielde.

Dohkkehemiin buot diehtočoahkuid dagat vejolažžan siiddu geavaheami analyserema ja geavahandieđuide vuođđuduvvi ovddideami ja vuojuhuvvon sosiála media sisdoaluid mat leat siiddus. Análastihka birra gávdno eanet diehtu vulobealde.

Dohkkehemiin dušše siiddu vealtameahttun diehtočoahkuid easttat análastihkkabálvalusa doaibmama iežat geavaheami oasis. 

Sáhtát maiddái hálddašit diehtočoahkuid njuolga ásahusain mat leat du geavahan bláđánis. Fuomášathan, ahte siidu ii dalle gánske doaimma buoremus vejolaš vugiin.

Siidu seailluha du dahkan válljemiid (bissovaš diehtočoahkut) ovtta jagi áigge. Sešuvnna guovdu diehtočoahkut jávket go sešuvdna nohká.

Siiddus Diehtu mátkkošteaddjái lea geavahusas goalmmát oassebeali galledeaddjianálastihka. Siidu lea oassi Eurohpá kommišuvnna Sinun Eurooppasi portála.

Análistihkka

Askem

Siidduin lea maiddái Askem analistihka (eaŋgalasgillii), mii laktása sisdoalu máhcahat -bargonevvui. Dat čoaggá dieđu siidduin galledemiid lohkomeriin muhto ii galledeaddjiin.

Dahkkivuoigatvuođat tekstii, govaide ja eará sisdollui

Siiddu teakstamateriála geavaheapmi ja dása laktáseaddji liŋken lea lobálaš buorre vuogi čuovvu áššeoktavuođain. Mii sávvat, ahte gáldodiehtun merkejuvvo Boles dahje dárkileappot. Vuoigatvuođat siidduin almmustahttojuvvon teaksta- ja govvamateriálaide leat bolesis. Siiddu govaid geavaheapmi gáibida lobi. Govaid ii oaččo manipuleret dahje nuppástuhttit.

Materiála dahje govaid geavaheapmi lea gildojuvvon

• gávppálaš, politihkalaš dego válgakampánja dahje oskkolaš ulbmilii
• heivetmeahttun vugiin dahje buorre vuogi vuostá.

Persovdnadieđuid gieđahallan

Boles gieđahallá persovdnadieđuid maid luobahat fuolalaččat ja lágalaččat. Mii sihkkarastit áššáigullevaš diehtosuoji. Mii vurket dušše beare oktavuođa- ja eará dieđuid maid geavaheaddji lea ieš sierra addán, maid sáhttit geavahit go vástidit geavaheaddji bivdagiidda váldit oktavuođa, gažaldagaide dahje eará máhcahahkii. Juohke dákkár bálvalusas gávdno registtarčilgehus bálvalusa geavaheaddjái.

Geahča diehtosuodječilgehusaid (suomagillii).

Sosiála viiddideamit

Siiddus leat liŋkkat ja oktavuođat goalmmát oassebeali neahttasiidduide ja nu gohčoduvvon sosiála viiddideamit dego Twittera searvvušlasseoasit. Siidduin lean goalmmát oassebeali lasseosiid bajásdoallan lasseoasit luđejuvvojit bálvalusaid iežaset serveriin. Siidu ii sádde galledeaddjiid dieđuid sosiála viiddidemiid bokte.

Heivehit siiddu goalmmát oassebeali fállan bálvalusaide dahje dan gaskkustan heivehusaide goalmmát oassebeali geavahan-  ja eará eavttuid.

Vuoigatvuođalaš várrehus

Siiddu sisdoalus figgat buot vugiin dieđu riektatvuhtii ja áiggedásálašvuhtii.

Boles ii leat ovddasvástádusas dakkáraš ájis, man sivvan lea teknihkalaš hehttehus, dahje siidui liŋkejuvvon materiálas, man leat almmustahttán olggobeale oassebealit.

Boles várre vuoigatvuođa beaivádit, dárkkistit ja nuppástuhttit geavahaneavttuid sihke siiddu sisdoalu ja bajiloainnu.

Siidu lea beaiváduvvon maŋimuš háve 5.12.2024.