Mot rihkusalmmuhus gieđahallojuvvo?
Bolesa registrere rihkusalmmuhusaid bolesáššiid diehtovuogádahkii. Jus leat dahkan elektrovnnalaš rihkusalmmuhusa, de sirdá boles dan bolesáššiid diehtovuogádahkii. Sirdimis sáhttá áššiid gieđahallanhuša mielde gollat moadde beaivvi dahje vahku.
Dávjá dáhkádusfitnodagat dárbbašit áššegieđahallama várás almmuhuskopiija rihkkoalmmuhusas mii lea dahkkon bolesii. Elektrovnnalaš vuogádagas boahtán kuitendiehtu ii lea almmuhuskopiija. Almmuhuskopiija sáhttá oažžut go dan viežžá ášši gieđahallan bolesstašuvnna gohcimis rabasáiggiin. Jus leat dahkan rihkusalmmuhusa bolesstašuvnnas, de sáhtát seammás bivdit almmuhuskopiija alccesat.
Go ášši lea girjejuvvon bolesa diehtovuogádahkii, de áššis lea rihkusalmmuhusnummir. Dát nummir lea dehálaš go ášši galgá čilgejuvvot ja dan vehkiin áššái gullevaš dieđut sáhttet gávdnot. Almmuhusnummira gávnnat almmuhankopiija badjeoasis.
Almmuhusnummir lea hámis 5500/R/12345/20. Vuosttaš nummir lea boleslágádusa nummir, R-bustáva muitala ahte lea rihkusalmmuhus. Čuovvovaš, viđanummira lohku lea aitosaš almmuhannummir ja maŋimuš lea almmuhanjahki. Vurke almmuhusnummira, jus fertet maŋŋelis dikšut ášši.
Rihkus dutkojuvvo doppe gos lea dáhpáhuvvan
Váldonjuolggadussan lea ahte almmuhuvvon rihkkosa dutká dan guovllu boles, gos rihkus lea dáhpáhuvvan. Eará bolesa ovttadat sáhttá maiddái dutkat rihkkosa. Rihkusalmmuhus sáhttá dahkkot man beare bolesstašuvnnas, muhto rihkusalmmuhusa vuostáiváldán boles mii sirdá dan bolesovttadahkii mii dutká ášši. Boleslágádusain lea rihkusdutkan dávjá juhkkojuvvon sierra rihkusossodagaide ja joavkkuide mat dutket rihkusáššiid.
Boles árvvoštallá leago sivva eahpidit ahte lea dáhpáhuvvan rihkus ovdal go rihkus dutkojuvvo. Buot almmuhuvvon rihkkosat eai ovdán ovdadutkama álggaheapmái. Almmuheapmi sáhttá leat ovdamearkka dihte priváhtarievttálaš riidoášši dahje eará ášši, mii ii leat rihkus.
Rihkkosiid dutkama dahje ovdadutkama lassin, bolesat dahket bolesdutkama, ee. jápminsiva dutkama, buollinsiva dutkama, dutkama gávdnan dihtii jávkan olbmo ja dutkama mii guoská fidnodoaibmagildosii ásaheami.
Bolesa geažidanoktavuođadieđut (suomagillii)
Rihkusáššiid gieđahallamis Sivaheaddjilágádusa neahttasiidduin (suomagillii)
